नित्य नवे रंग तुझे

तुझे नित्य नवे रंग अन

नव्हाळीचं आकाश

तुझा नित्य नवा श्वास अन

उत्साहाचाच अवकाश

पहाटेचं दव जणू

तुझ्या मायेचा ओलावा 

झाडां झुडूपां मधून

तुच वाजवशी पावा  

उडणारे पक्षी असे

तुझे अफाट विहरणे 

पाखरांचे गुज जणू

तुझे मंजूळ गाणे 

उब घेवून येती तुझी

कोवळी रवी किरणे

चराचरात पुन्हा एकदा

नव्याने जीव भरणे

वरचा तारा, मंद वारा

आसमंत सारा

तुझाच देवा असे असा

अनंत पसारा

नरेंद्र प्रभू

१७-१२-२०१४