13 January, 2010

नेट-भेट आणि मग प्रत्यक्ष भेट


आधुनिक संपर्काच्या साधनांमुळे घरातली माणसं सुद्धा प्रत्यक्ष भेटण्याचं प्रमाण कमी होत चाललय. फोन, नेट ही संपर्काची साधनं एवढी वापरली जातात त्यामुळे माणसं एकमेकांशी बोलत असली तरी ती समोरासमोर भेटत नाहीत. नेटवर मैत्री जमणं हे आता नवीन राहिलेलं नाही. विचार जुळणं, मैत्री वाढणं हे नेटवर होतं पण ती नेटकरी मंडळी कोण आहेत ? त्यांचं वय काय ? लिंग काय ? व्यवसाय काय ? राहतात कुठे ? असे अनेक प्रश्न पडलेले असतात आपण संभ्रमात असतो. ती नेटकरी मंडळी प्रत्यक्ष भेटली तर? तर काय मज्जा येईल नाही? खरच मज्जा येते. मी तो अनुभव नुकताच घेतला आहे. आमचं छायाचित्रांचं प्रदर्शन सुरू असताना मला असे एक सोडून दोन मित्र भेटले. पहिले होते हरेकृष्णजी (यांच खरं नाव सुद्धा त्या भेटीत समजलं) आणि दुसरे संदेश सामंत.

या पुर्वी ब्लॉगवर किंवा फेसबुकवर एकमेकांना अनेकवेळा अभिप्राय कळवले पण या प्रत्यक्षभेटीची मजाच न्यारी. आम्ही खुप बोललो, हसलो. नेट मुळे किंवा एकुणच आधुनिक सम्पर्क साधनांमुळे माणसं परस्परांना कमी भेटतात हे खरं असलं तरी जी माणसं कधीच भेटण्याची शक्यता नव्हती ती माणसं आधी मित्र झाली आणि नंतर याची देही याची डोळा पाहिली प्रत्यक्ष भेटली. या भेटीने खुप आनंद झाला.

संदेश सामंत

LinkWithin

Related Posts with Thumbnails
 

Design in CSS by TemplateWorld and sponsored by SmashingMagazine
Blogger Template created by Deluxe Templates Tested Blogger Templates